വിമാന നിരക്ക് കൂടിയേക്കും; നിയന്ത്രണം നീക്കുന്നു

ന്യൂഡൽഹി ∙ കോവിഡ് വ്യാപനത്തെത്തുടർന്ന് ആഭ്യന്തര വിമാനയാത്രാ നിരക്കുകളിൽ ഏർപ്പെടുത്തിയ നിയന്ത്രണം ഈ മാസം 31നു ശേഷം എടുത്തുകളയാൻ കേന്ദ്ര സർക്കാർ തീരുമാനിച്ചു. ഇതോടെ, വിമാന കമ്പനികൾക്കു സ്വന്തം നിലയിൽ നിരക്ക് നിശ്ചയിക്കാനാകും. നിരക്ക് വീണ്ടുമുയരാൻ ഇതു വഴിയൊരുക്കുമെന്ന ആശങ്കയും ശക്തമായി. 

കോവിഡ് മൂലമുള്ള ബുദ്ധിമുട്ടുകൾ കണക്കിലെടുത്ത് ഓരോ റൂട്ടിലെയും കുറഞ്ഞതും കൂടിയതുമായ പരമാവധി നിരക്കുകൾ (ഫെയർ ബാൻഡ്) 2020 മേയിൽ കേന്ദ്ര സർക്കാർ പ്രഖ്യാപിച്ചിരുന്നു. വിമാന ഇന്ധന നിരക്ക് ഉയർന്ന സാഹചര്യത്തിൽ ടിക്കറ്റ് നിരക്കിലുള്ള നിയന്ത്രണം നീക്കണമെന്ന് വിമാന കമ്പനികൾ ആവശ്യപ്പെട്ടിരുന്നു.

English Summary: Domestic airfare caps to be removed