നൂപുർ ശർമ: കേസുകൾ ഒരുമിച്ച് പരിഗണിക്കും

Nupur Sharma (Twitter / @NupurSharmaBJP)
നൂപുർ ശർമ (Photo - Twitter / @NupurSharmaBJP)
SHARE

ന്യൂഡൽഹി ∙ പ്രവാചകവിരുദ്ധ പരാമർശം നടത്തിയ ബിജെപി മുൻ വക്താവ് നൂപുർ ശർമയ്ക്കെതിരെ വിവിധ സംസ്ഥാനങ്ങളിൽ എടുത്ത കേസുകളെല്ലാം ഒരുമിച്ചു പരിഗണിക്കാൻ സുപ്രീം കോടതി അനുമതി. പല കേന്ദ്രങ്ങളിൽനിന്നും ജീവനു ഭീഷണിയുള്ളതിനാൽ കേസുകൾ ഒരുമിച്ചു പരിഗണിക്കണമെന്നാവശ്യപ്പെട്ട് നൂപൂർ സുപ്രീം കോടതിയെ സമീപിച്ചിരുന്നു. കേസുകളെല്ലാം ഡൽഹി പൊലീസിനു കൈമാറാനാണ് കോടതി നിർദേശം.

ട്വീറ്റിന്റെ പേരിൽ അറസ്റ്റിലായ മാധ്യമപ്രവർത്തകൻ മുഹമ്മദ് സുബൈറിന്റെ കേസിൽ സ്വീകരിച്ച നടപടികൾ ഇവിടെയും കൈക്കൊള്ളുകയാണെന്ന് കോടതി ചൂണ്ടിക്കാട്ടി. സുബൈറിനെതിരെ യുപി പൊലീസ് എടുത്ത കേസുകളുൾപ്പെടെ ഡൽഹിയിലേക്ക് മാറ്റുകയായിരുന്നു. എഫ്ഐആർ റദ്ദാക്കാനായി നൂപൂറിന് ഡൽഹി ഹൈക്കോടതിയെ സമീപിക്കാമെന്നും കോടതി ചൂണ്ടിക്കാട്ടി. 

ബംഗാളിൽ നൂപുറിനെതിരെ പ്രത്യേക അന്വേഷണം നടത്തുന്നതു സംബന്ധിച്ച അഭിഭാഷകയുടെ ഇടപെടൽ വാദം കോടതി അനുവദിച്ചില്ല. ഹർജി ജൂലൈ 1 ന് പരിഗണിച്ചപ്പോൾ നൂപുറിനെതിരെ ശക്തമായ വിമർശനമാണ് കോടതി നടത്തിയത്.

English Summary: Prophet row: SC orders clubbing of FIRs against Nupur Sharma

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
{{$ctrl.title}}
{{$ctrl.title}}

{{$ctrl.currentDate}}

  • {{item.description}}