വിദേശ സംഭാവന: പുനഃപരിശോധനയ്ക്ക് അപേക്ഷിക്കാം
Mail This Article
ന്യൂഡൽഹി ∙ വിദേശ സംഭാവന സ്വീകരിക്കാനുള്ള റജിസ്ട്രേഷൻ റദ്ദാകുന്ന സന്നദ്ധസംഘടനകൾക്ക് (എൻജിഒ) തീരുമാനം പുനഃപരിശോധിക്കാനായി കേന്ദ്ര ആഭ്യന്തര സെക്രട്ടറിക്ക് ഓൺലൈനായി അപേക്ഷ നൽകാം. തീരുമാനം പുനഃപരിശോധിക്കാനുള്ള കാരണം വ്യക്തമാക്കണം. 3,000 രൂപയാണ് ഫീസ്. റദ്ദാക്കൽ ഉത്തരവിറങ്ങി ഒരു വർഷത്തിനുള്ളിൽ അപേക്ഷ നൽകണം. സെപ്റ്റംബർ 1 മുതൽ പ്രാബല്യത്തിൽ വരും.
fcraonline.nic.in എന്ന വെബ്സൈറ്റിലെ സർവീസസ് അണ്ടർ എഫ്സിആർഎ എന്നതിനു കീഴിൽ Revision Application against Section 32, FCRA 2010 എന്ന ടാബ് തുറന്ന് അപേക്ഷയുടെ സ്കാൻ ചെയ്ത രൂപം അപ്ലോഡ് ചെയ്യാം.
കേരളത്തിൽ 3 വർഷത്തിനിടെ 52 സംഘടനകളുടെ എഫ്സിആർഎ റജിസ്ട്രേഷനാണ് റദ്ദാക്കിയത്. 19 സംഘടനകൾക്ക് റജിസ്ട്രേഷൻ പുതുക്കി നൽകിയില്ല. 2020 മുതൽ രാജ്യമാകെ 466 സംഘടനകളുടെ പുതുക്കലിനുള്ള അനുമതി നിഷേധിച്ചു. നിലവിൽ 16,727 സംഘടനകൾക്ക് ഇന്ത്യയിൽ എഫ്സിആർഎ റജിസ്ട്രേഷനുണ്ട്.
Content Highlights: Foreign donation, Government of India