ഫോണും ടിവിയും ഓഫ്; എന്നും ഒന്നര മണിക്കൂർ വർത്തമാനവും വായനയും!

മുംബൈ ∙ ദിവസവും രാത്രി 7നു ക്ഷേത്രത്തിൽ നിന്നു സൈറൺ മുഴങ്ങുന്നയുടൻ നാട്ടുകാർ മൊബൈൽ ഫോണുകളും ടിവിയും ഓഫ് ചെയ്യും. എന്നിട്ട് വീട്ടിലും ചുറ്റുവട്ടത്തും മൈതാനത്തുമിരുന്ന് പരസ്പരം സംസാരിക്കും, പുസ്തകങ്ങൾ വായിക്കും, ചിലർ പഠിക്കും. 8.30ന് അടുത്ത സൈറൺ മുഴങ്ങുമ്പോഴേ പിന്നെ ഫോൺ ഉൾപ്പെടെ ഓൺ ആക്കൂ. വേറിട്ട പരിപാടിക്കു തുടക്കമിട്ടത് മഹാരാഷ്ട്രയിലെ സാംഗ്ലി ജില്ലയിൽ മോഹിത്യാഞ്ചെ വഡ്ഗാവ് ഗ്രാമമാണ്. 

കോവിഡ് ലോക്ഡൗണിനെ തുടർന്ന് ഓൺലൈൻ ക്ലാസുകളാണ് ഗ്രാമത്തിലെ കുട്ടികളുടെ ഉൾപ്പെടെ കൈകളിൽ  മൊബൈൽ ഫോണുകൾ എത്തിച്ചത്. എന്നാൽ, നേരിട്ടു ക്ലാസുകൾ ആരംഭിച്ച ശേഷവും കുട്ടികൾ മണിക്കൂറുകളോളം മൊബൈൽ ഫോൺ ഉപയോഗിക്കുന്നതു പതിവായി. 

English Summary: Digital detox: A Maharashtra village switches off TVs, mobiles every evening