സംയുക്ത സേനാ മേധാവിയായി അനിൽ ചൗഹാൻ ചുമതലയേറ്റു

ന്യൂഡൽഹി ∙ സംയുക്ത സേനാ മേധാവിയായി (സിഡിഎസ്) ജനറൽ അനിൽ ചൗഹാൻ ചുമതലയേറ്റു. പോരാട്ടത്തിൽ ജീവൻ വെടിഞ്ഞ സൈനികർക്ക് ദേശീയ യുദ്ധസ്മാരകത്തിൽ ആദരം അർപ്പിച്ചശേഷമാണ് ജന. ചൗഹാൻ സ്ഥാനമേറ്റത്. ജനറൽ ചൗഹാൻ പൂർവ കമാൻഡ് മേധാവിയായിരിക്കെ മേയ് 31ന് സർവീസിൽ നിന്നു വിരമിച്ചിരുന്നു. വിരമിച്ചശേഷം ദേശീയ സുരക്ഷാ സമിതി സെക്രട്ടേറിയറ്റിൽ ഉപദേശകനായിരുന്നു. ചുമതലയേറ്റ ശേഷം ജനറൽ ചൗഹാൻ രാജ്യരക്ഷാ മന്ത്രി രാജ്നാഥ് സിങ്ങിനെ സന്ദർശിച്ചു.

English Summary: Gen Anil Chauhan assumes charge as Chief of Defence Staff