ന്യൂഡൽഹി / പട്ന ∙ മോദിപ്പേരുകാരെ അപകീർത്തിപ്പെടുത്തിയെന്ന കേസിൽ മൊഴി രേഖപ്പെടുത്താൻ രാഹുൽ ഗാന്ധി ഏപ്രിൽ 12 നു നേരിട്ടു ഹാജരാക‌ണമെന്നു പട്ന കോടതി ഉത്തരവിട്ടു. ബിഹാറിലെ ബിജെപി നേതാവ് സുശീൽകുമാർ മോദി നൽകിയ ഹർജിയിലാണു പട്ന എംപി–എംഎൽഎ പ്രത്യേക കോടതിയുടെ നടപടി.
സാമ്പത്തികത്തട്ടിപ്പു കേസുകളിൽ പ്രതിയായി ഇന്ത്യ വിട്ട ഐപിഎൽ മുൻ മേധാവി ലളിത് മോദിയും രാഹുലിനെതിരെ സമൂഹമാധ്യമത്തിൽ പ്രത്യക്ഷപ്പെട്ടു. രാഹുലിനെതിരെ യുകെയിലെ കോടതിയിൽ കേസു കൊടുക്കുമെന്നു ട്വീറ്റ് ചെയ്തു. ആഗോള തട്ടിപ്പുകാരെല്ലാം നരേന്ദ്ര മോദിയെ സംരക്ഷിക്കാൻ രംഗത്തു വരുന്നതിന്റെ തെളിവാണിതെന്നു കോൺഗ്രസ് ജനറൽ സെക്രട്ടറി കെ.സി.വേണുഗോപാൽ പ്രതികരിച്ചു.
English Summary: Lalit Modi decides to sue Rahul Gandhi in UK court
