ന്യൂഡൽഹി ∙ പുതിയ പാർലമെന്റ് മന്ദിരം നാളെ പ്രധാനമന്ത്രി നരേന്ദ്ര മോദി രാജ്യത്തിനു സമർപ്പിക്കും. രാവിലെ ഏഴിനു പുതിയ മന്ദിരത്തിനു പുറത്ത് ഹോമവും പിന്നീട് സർവമത പ്രാർഥനയും നടക്കും.

തമിഴ്നാട്ടിലെ ശൈവമഠമായ തിരുവാത്തുറൈ അധീനത്തിലെ പുരോഹിതർ ‘ചെങ്കോൽ’ പ്രധാനമന്ത്രി നരേന്ദ്ര മോദിക്കു കൈമാറും. പ്രധാനമന്ത്രി ഇത് ലോക്സഭയിൽ സ്പീക്കറുടെ ചെയറിനു സമീപം സ്ഥാപിക്കും.

കോൺഗ്രസിന്റെ നേതൃത്വത്തിൽ 20 പ്രതിപക്ഷ പാർട്ടികൾ ചടങ്ങു ബഹിഷ്കരിക്കും. 

75 രൂപ നാണയം

ന്യൂഡൽഹി ∙ പുതിയ പാർലമെന്റ് മന്ദിരം ഉദ്ഘാടനത്തോടനുബന്ധിച്ച് 75 രൂപ നാണയം പ്രധാനമന്ത്രി നരേന്ദ്ര മോദി ഇന്നു പുറത്തിറക്കും. അശോകസ്തംഭം, സത്യമേവ ജയതേ എന്ന വാചകം,  ദേവനാഗരി ലിപിയിൽ ഭാരത് എന്നും  ഇംഗ്ലിഷിൽ ഇന്ത്യ എന്നും എഴുത്ത് എന്നിവ ഒരു വശത്തും,     പുതിയ പാർലമെന്റ് കോംപ്ലക്സിന്റെ രൂപവും സൻസദ് സംകുൽ എന്ന് ദേവനാഗരിയിലും പാർലമെന്റ് കോംപ്ലക്സ് എന്ന് ഇംഗ്ലിഷിലുമുള്ള എഴുത്തും മറുവശത്തും ഉണ്ടാകും. 

English Summary: New parliament house inauguration