മുംബൈ ∙ വിമാനത്തിലെ ബ്ലാക്ക് ബോക്സിന് സമാനമായ ക്രൂ വോയ്സ് ആൻഡ് വിഡിയോ റെക്കോർഡിങ് സിസ്റ്റം (സിവിവിആർഎസ്) കൂടുതൽ ട്രെയിനുകളിൽ നടപ്പാക്കാൻ പശ്ചിമ റെയിൽവേ. ട്രെയിൻ യാത്ര കൂടുതൽ സുരക്ഷിതമാക്കാനും സർവീസുകൾ കാര്യക്ഷമമാക്കാനുമാണ് നടപടി. 16 ട്രെയിൻ എൻജിനുകളിൽ സിവിവിആർഎസ് സംവിധാനം നിലവിലുണ്ട്. 155 ട്രെയിനുകളിൽ കൂടി സ്ഥാപിക്കാനുള്ള നടപടികൾ പുരോഗമിക്കുകയാണ്. ഘട്ടംഘട്ടമായി 650 ട്രെയിൻ എൻജിനുകളിലും ഘടിപ്പിക്കും. 90 ദിവസം വരെയുള്ള വിഡിയോകൾ സൂക്ഷിക്കാൻ ശേഷിയുണ്ടാകും.
English Summary : Western Railway to install 'black box' in trains
