ഒഡീഷ ട്രെയിൻ ദുരന്തം: റെയിൽവേ ജീവനക്കാർക്ക് എതിരെ സിബിഐ കുറ്റപത്രം സമർപ്പിച്ചു

ന്യൂഡൽഹി ∙ ഒഡീഷയിലെ ബാലസോറിൽ ബഹനാഗ ബസാ‍ർ സ്റ്റേഷനിൽ 292 പേരുടെ മരണത്തിനിടയാക്കിയ ട്രെയിനപകടവുമായി ബന്ധപ്പെട്ട് അറസ്റ്റിലായ 3 റെയിൽവേ ഉദ്യോഗസ്ഥർക്കെതിരെ സിബിഐ കുറ്റപത്രം സമർപ്പിച്ചു. കൊലപാതകമല്ലാത്ത കുറ്റകരമായ നരഹത്യ, തെളിവു നശിപ്പിക്കൽ തുടങ്ങിയ കുറ്റങ്ങളാണ് ചുമത്തിയിരിക്കുന്നത്. ഭുവനേശ്വറിലെ പ്രത്യേക സിബിഐ കോടതിയിലാണ് കുറ്റപത്രം സമർപ്പിച്ചത്.

ബാലസോർ സീനിയർ സെക്‌ഷൻ എൻജിനീയർ അരുൺ കുമാർ മഹാതോ, സോഹോ സീനിയർ സെക്‌ഷൻ എൻജിനീയർ മുഹമ്മദ് ആമിർ ഖാൻ, ടെക്നിഷ്യൻ പപ്പു കുമാർ എന്നിവരെയാണ് സിബിഐ അറസ്റ്റ് ചെയ്തത്. 94–ാം നമ്പർ ലവൽ ക്രോസിങ്ങിലെ അറ്റകുറ്റപ്പണിക്കായി അരുൺ കുമാർ മഹാതോ 79–ാം നമ്പർ സർക്യൂട്ട് ഡയഗ്രം ആണ് ഉപയോഗിച്ചതെന്ന് സിബിഐ ചൂണ്ടിക്കാട്ടി.

English Summary: Odisha Train Tragedy: CBI filed charge sheet against railway employees