ടൈംസ് ടവറിലെ തീപിടിത്തത്തിൽ ആശങ്ക

മുംബൈ∙ ടൈംസ് ടവർ വാണിജ്യ സമുച്ചയത്തിലെ തീപിടിത്തം പരിഭ്രാന്തി പരത്തി. ലോവർ പരേൽ കമലാ മിൽസ് പരിസരത്തെ 14 നില കെട്ടിടത്തിന്റെ 3, 7 നിലകൾക്കിടയിൽ രാവിലെയാണു തീ പടർന്നത്. സമീപത്തെ ഫ്ലാറ്റുകളിലേക്കു ചൂടുകാറ്റ് വീശിയടിച്ചത് ആശങ്കയുണ്ടാക്കിയെങ്കിലും ആർക്കും പരുക്കില്ല. ഓഫിസുകളുടെ ഗ്ലാസുകൾ തകർത്ത് അകത്തു കടന്ന അഗ്നിരക്ഷാ സേനാംഗങ്ങൾ 5 മണിക്കൂർ കൊണ്ട് തീ അണച്ചു. ഷോർട്ട് സർക്യൂട്ടാണു കാരണമെന്നാണ് പ്രാഥമിക റിപ്പോർട്ടുകൾ.