നായയെച്ചൊല്ലി വഴക്ക്: സിപിഐ നേതാവ് അടിയേറ്റു മരിച്ചു

ചെന്നൈ ∙വളർത്തുനായ കുരച്ചതിനെച്ചൊല്ലിയുണ്ടായ വഴക്കിനിടെ സിപിഐ നേതാവ് തലയ്ക്കടിയേറ്റ് മരിച്ചു. തിരുച്ചിറപ്പള്ളിയിൽ സിപിഐ മന്നിച്ചനല്ലൂർ ഏരിയ സെക്രട്ടറി മുത്തുകൃഷ്ണനാണു മരിച്ചത്. വ്യാഴാഴ്ച രാത്രി മുത്തുകൃഷ്ണന്റെ വീടിനു സമീപത്തെ റോഡിൽക്കൂടി നടന്നു പോകുകയായിരുന്ന സമീപവാസിക്കു നേരെ നായ കുരച്ചതിനെ തുടർന്നാണ് വഴക്കുണ്ടായത്. ഇരുമ്പുവടി കൊണ്ട് തലയ്ക്കടിയേറ്റ മുത്തുകൃഷ്ണനെ ആശുപത്രിയിൽ പ്രവേശിപ്പിച്ചെങ്കിലും വെള്ളിയാഴ്ച രാവിലെ മരിച്ചു. കേസെടുത്ത് അന്വേഷണം ആരംഭിച്ചതായി തിരുച്ചിറപ്പള്ളി പൊലീസ് പറഞ്ഞു.