മോദിയുടെ മൊറീഷ്യസ് സന്ദർശനം ഇന്നും നാളെയും

ന്യൂഡൽഹി ∙ പ്രധാനമന്ത്രി നരേന്ദ്ര മോദിയുടെ മൊറീഷ്യസ് സന്ദർശനം ഇന്നും നാളെയും. ഇന്നു രാവിലെ പോർട്ട് ലൂയിസിലെത്തുന്ന പ്രധാനമന്ത്രി നരേന്ദ്ര മോദി പ്രസിഡന്റ് ധരം ഗൊഖൂൽ, പ്രധാനമന്ത്രി നവീൻ റാംഗുലാം എന്നിവരുമായി കൂടിക്കാഴ്ച നടത്തും. മൊറീഷ്യസിലെ ഇന്ത്യൻ വിഭാഗവുമായുള്ള കൂടിക്കാഴ്ചയും ഇന്നുണ്ട്. നാളെയാണു ഉഭയകക്ഷി ചർച്ചകൾ നടക്കുക. മൊറീഷ്യസ് ദേശീയ ദിനാഘോഷത്തിലും പ്രധാനമന്ത്രി നരേന്ദ്ര മോദി മുഖ്യാതിഥിയായി പങ്കെടുക്കും.