മ്യാൻമർ ഭൂകമ്പ രക്ഷാപ്രവർത്തനം ഇന്ത്യൻ ആർമിയുടെ ‘റോബട് നായ’

ന്യൂഡൽഹി ∙ മ്യാൻമറിലെ ഭൂകമ്പരക്ഷാദൗത്യങ്ങളിൽ ചെറുറോബട്ടുകളെയും നാനോ ഡ്രോണുകളെയും നിയോഗിച്ച് ഇന്ത്യൻ ആർമി. തകർന്നു കിടക്കുന്ന കെട്ടിട അവശിഷ്ടങ്ങൾക്കിടയിൽ ആളുകളും മറ്റും കുടുങ്ങി കിടപ്പുണ്ടോ എന്നു കണ്ടെത്തുന്നതിനാണു നായയുടെ രൂപത്തിലുള്ള ചെറു റോബട്ടുകളെ നിയോഗിച്ചത്. ഇതാദ്യമായാണു കരസേന രക്ഷാദൗത്യങ്ങൾക്കായി റോബട്ടുകളെയും നാനോ ഡ്രോണുകളെയും ഉപയോഗിക്കുന്നത്. കഴിഞ്ഞ 28നു മ്യാൻമറിൽ നടന്ന ഭൂകമ്പത്തിൽ 3600 പേരാണു കൊല്ലപ്പെട്ടത്. ദുരന്തത്തിൽ സഹായവുമായി എത്തിയ ആദ്യ രാജ്യം ഇന്ത്യയായിരുന്നു.