പേറ്റന്റ് കാലാവധി കഴിഞ്ഞ പ്രമേഹ മരുന്ന്; കുറഞ്ഞ നിരക്കിൽ 140 ബ്രാൻഡ്

ന്യൂഡൽഹി ∙ ടൈപ്പ് 2 പ്രമേഹ ചികിത്സയ്ക്ക് ഉപയോഗിക്കുന്ന എംപാഗ്ലിഫ്ലോസിൻ മരുന്നിന് ജർമൻ ഫാർമ കമ്പനിക്കുണ്ടായിരുന്ന പേറ്റന്റ് കാലാവധി അവസാനിച്ചതോടെ വിലക്കുറവുള്ള ജനറിക് പതിപ്പുകൾ വിപണിയിൽ വ്യാപകം. നൂറ്റിനാൽപതിലേറെ പുതിയ ബ്രാൻഡുകൾ 3 മാസം കൊണ്ട് വിപണിയിലെത്തി.

ഫെബ്രുവരിയിലാണ് എംപാഗ്ലിഫ്ലോസിന്റെ പേറ്റന്റ് അവകാശം ജർമനിയിലെ  ബറിംഗഇൻഗലൈം കമ്പനിക്ക് നഷ്ടപ്പെട്ടത്. ഇതോടെ ഒന്നിന് 60– 70 രൂപ വിലയുണ്ടായിരുന്ന ഗുളിക 10-15 രൂപ നിരക്കിൽ വിപണയിലെത്തിക്കുമെന്ന് മാൻകൈൻ‍ഡ് ഫാർമ ഉൾപ്പെടെയുള്ള മരുന്നുകമ്പനികൾ വ്യക്തമാക്കിയിരുന്നു. മരുന്നിനെ വില നിയന്ത്രണത്തിലുൾപ്പെടുത്തിയിട്ടുണ്ട്. വരുംമാസങ്ങളിൽ കൂടുതൽ ബ്രാൻഡുകൾ കൂടി നിയന്ത്രണത്തിലാകും. സർക്കാർ നിശ്ചയിക്കാതെ വില കൂട്ടാനാകില്ല.