എൻസിപി പിളരുമെന്ന് ‌കരുതിയില്ല; വേദന മറയ്ക്കാതെ ശരദ് പവാർ

മുംബൈ∙എൻസിപിയുടെ ഇരു വിഭാഗങ്ങളും ലയിക്കുമെന്ന അഭ്യൂഹങ്ങൾക്കിടെ, പാർട്ടി പിളരുമെന്ന് ഒരിക്കലും കരുതിയില്ലെന്ന് ശരദ് പവാർ പറഞ്ഞു. പിളർപ്പിനു ശേഷവും തനിക്കൊപ്പം നിൽക്കുന്നവർക്ക് പാർട്ടിയുടെ 26–ാം സ്ഥാപക വാർഷിക ദിനത്തിൽ സംഘടിപ്പിച്ച ചടങ്ങിൽ അദ്ദേഹം നന്ദി പറഞ്ഞു. എൻഡിഎയിൽ ചേരാ‍ൻ ഒറ്റക്കെട്ടായാണു തീരുമാനിച്ചതെന്ന് അജിത് പക്ഷത്തെ മുതിർന്ന നേതാവ് സുനിൽ തത്കരെ പറഞ്ഞു. 2014നു ശേഷം പലവട്ടം ചർച്ച നടത്തിയാണ് അവസാന തീരുമാനമെടുത്തതെന്നും അദ്ദേഹം വ്യക്തമാക്കി. 2023 ജൂലൈയിലാണ് അജിത് പവാർ പാർട്ടി പിളർത്തി എൻഡിഎ മുന്നണിയുടെ ഭാഗമായത്.