വിമാനാപകടങ്ങളിൽ പൊലിഞ്ഞത് 3 മുഖ്യമന്ത്രിമാർ

ഗുജറാത്ത് മുഖ്യമന്ത്രി ബൽവന്ത് റായ് മേത്ത ഉൾപ്പെടെ വിമാന അപകടങ്ങളിൽ മരിച്ചത് 3 മുഖ്യമന്ത്രിമാർ. ഇന്നലത്തെ അപകടത്തിൽ മരിച്ച ഗുജറാത്ത് മുൻ മുഖ്യമന്ത്രി വിജയ് രൂപാണി കൂടി ഉൾപ്പെടുമ്പോൾ മുഖ്യമന്ത്രി സ്ഥാനത്തിരുന്നവരിൽ വിമാനഅപകടങ്ങളിൽ മരിച്ചവരുടെ എണ്ണം നാലാകും.

1965 ൽ ഇന്ത്യ- പാക്ക് യുദ്ധസമയത്ത് ബൽവന്ത് റായ് മേത്ത സഞ്ചരിച്ചിരുന്ന വിമാനം പാക്കിസ്ഥാൻ വ്യോമസേനാ പൈലറ്റ് വെടിവച്ചിടുകയായിരുന്നു. അപകടത്തിൽ മേത്തയുടെ ഭാര്യ ഉൾപ്പെടെ 8 പേർ മരിച്ചു.

ആന്ധ്ര മുഖ്യമന്ത്രി വൈ.എസ്.രാജശേഖര റെഡ്ഡിയും (2009 സെപ്റ്റംബർ 2) അരുണാചൽപ്രദേശ് മുഖ്യമന്ത്രി ദോർജി ഖണ്ഡുവും (2011 ഏപ്രിൽ 30) ഹെലികോപ്റ്റർ അപകടങ്ങളിലാണു മരിച്ചത്.