Manoramaonline.com no longer supports Internet Explorer 8 or earlier. Please upgrade your browser.  Learn more »

സിബിഐ അന്വേഷണം ആവശ്യപ്പെട്ട് പി.സി.ജോർജ് കത്തു നൽകി

തിരുവനന്തപുരം∙ കൊച്ചിയിൽ സിനിമാ നടി ആക്രമിക്കപ്പെട്ട കേസുമായി ബന്ധപ്പെട്ട മുഴുവൻ സത്യാവസ്ഥയും പുറത്തുവരാൻ സിബിഐ അന്വേഷണത്തിനു സർക്കാർ അടിയന്തര തീരുമാനമെടുക്കണമെന്നാവശ്യപ്പെട്ടു പി.സി.ജോർജ് എംഎൽഎ മുഖ്യമന്ത്രിക്കു കത്തു നൽകി. കേസുമായി ബന്ധപ്പെട്ട് ഒരുപാടു ദുരൂഹതകൾ ഇപ്പോഴും നിലനിൽക്കുകയാണ്.

സംഭവത്തിലെ ദൃക്സാക്ഷിയായ വാൻ ഡ്രൈവർ മാർട്ടിന്റേതായി പുറത്തുവന്നിട്ടുള്ള മൊഴി ഒരു ഭരണകൂടത്തിനും തള്ളിക്കളയാനാവില്ല. ഭരണകൂടത്തെയും നീതിന്യായ വ്യവസ്ഥയെയുമൊക്കെ കബളിപ്പിക്കാൻ ഒരു സംഘം ആളുകൾ ശ്രമിച്ചതിന്റെ ഫലമായിട്ടാണ് ഇത്തരം ഒരു കേസ് ഈ രീതിയിൽ പൊലീസ് കൈകാര്യം ചെയ്തതെന്ന സംശയം ബലപ്പെടുകയാണ്.

ശ്രീജിവിന്റെ മരണകാരണം കണ്ടെത്തുന്നതിനു സിബിഐ അന്വേഷണം പ്രഖ്യാപിക്കപ്പെട്ടതിനാൽ അതു പൂർത്തിയാകുംവരെ ആരോപണങ്ങളുയർന്ന ഇപ്പോഴത്തെ ചവറ സിഐ: ഗോപകുമാറടക്കമുള്ള മുഴുവൻ പൊലീസ് ഉദ്യോഗസ്ഥരെയും പദവികളിൽനിന്ന് അടിയന്തരമായി മാറ്റിനിർത്തണമെന്നും ജോർജ് ആവശ്യപ്പെട്ടു.