Manoramaonline.com no longer supports Internet Explorer 8 or earlier. Please upgrade your browser.  Learn more »

പി.സി. ജോർജ് മർദിച്ചെന്ന കേസ്: നടപടി തടഞ്ഞു

PC George

കൊച്ചി ∙ എംഎൽഎ ഹോസ്റ്റലിലെ കന്റീൻ ജീവനക്കാരനെ പി.സി. ജോർജ് എംഎൽഎ മർദിച്ചെന്ന കേസിൽ തിരുവനന്തപുരം മജിസ്ട്രേട്ട് കോടതിയിലെ നടപടി ഹൈക്കോടതി തടഞ്ഞു. പി.സി. ജോർജ് സമർപ്പിച്ച ഹർജിയാണു കോടതി പരിഗണിച്ചത്. . 

ഊണ് എത്തിക്കാൻ വൈകിയതിന്റെ പേരിൽ കന്റീൻ ജീവനക്കാരനായ വട്ടിയൂർക്കാവ് സ്വദേശി മനുവിന്റെ മുഖത്തടിച്ചെന്ന പരാതിയാണു കേസിന് ആധാരം. എഫ്ഐആർ പ്രഥമദൃഷ്ട്യാ വിശ്വസനീയമല്ലെന്നും നിലനിൽക്കില്ലെന്നും ചൂണ്ടിക്കാട്ടിയാണു ഹർജി. 

സ്വതന്ത്ര സാക്ഷികളില്ലെങ്കിൽ പ്രോസിക്യൂഷൻ കേസ് ഫലവത്താവില്ലെന്നും വിചാരണയിലേക്കു പോകുന്നതിൽ കാര്യമില്ലെന്നും ഹർജിയിൽ പറയുന്നു.