Manoramaonline.com no longer supports Internet Explorer 8 or earlier. Please upgrade your browser.  Learn more »

55 മരുന്നുകൾക്കു കൂടി വില നിയന്ത്രണം; ആകെ 68 മരുന്നുകൾക്കു വിലമാറ്റം

medicine

കോട്ടയം ∙ പ്രമേഹത്തിനും രക്തസമ്മർദത്തിനും സ്ഥിരമായി ഉപയോഗിക്കുന്നവ അടക്കം 55  മരുന്നുകൾ കൂടി വില നിയന്ത്രണപ്പട്ടികയിലായി. നാഷനൽ ഫാർമസ്യൂട്ടിക്കൽ പ്രൈസിങ് അതോറിറ്റി (എൻപിപിഎ) ഇതു സംബന്ധിച്ച വിജ്ഞാപനം പുറപ്പെടുവിച്ചു.  കൂടാതെ 10 മരുന്നുകളുടെ വില പുനഃക്രമീകരിക്കുകയും 3 നിയന്ത്രിത മരുന്നുകൂട്ടുകളുടെ പരമാവധി വിലയും നിശ്ചയിച്ചു. 68 മരുന്നുകളുടെ വിലയിലാണു ഇതുമൂലം മാറ്റമുണ്ടാവുക.

പ്രമേഹരോഗികൾ ഉപയോഗിക്കുന്ന മെറ്റ്ഫോർമിൻ– ഗ്ലിമിപ്രൈഡ് ടാബ്‌ലറ്റ്, ആന്റിബയോട്ടിക്ക് അമോക്സിസിലിൻ – പൊട്ടാസ്യം ക്ലാവ്‌ലന്റ് ടാബ്, വേദന സംഹാരിയായി ഉപയോഗിക്കുന്ന ട്രമഡോൾ – പാരസെറ്റാമോൾ ടാബ്, ഹൃദ്രോഗികൾക്കുള്ള റോസുവസ്‌റ്ററ്റിൻ– ആസ്പിരി‍ൻ– ക്ലോപിഡോഗ്രൽ ടാബ്, അറ്റോർവസ്റ്ററ്റിൻ – ക്ലോപിഡോഗ്രൽ ക്യാപ്സ്യൂൾ, പേശികളുടെ വേദനയ്ക്കും മറ്റും ഉപയോഗിക്കുന്ന ഡൈക്ലോഫെനക്– മീഥൈൽ – മെത്തനോൾ ജെൽ തുടങ്ങിയവ കൂടാതെ എച്ച്ഐവി രോഗികൾക്കുള്ള മരുന്നുകളും വിലനിയന്ത്രണപ്പട്ടികയിൽ ഉൾപ്പെട്ടിട്ടുണ്ട്. ഈ പട്ടികയിൽ ഉൾപ്പെട്ട മരുന്നുകൾ നിശ്ചയിച്ച വിലയിലും കൂടിയ നിരക്കിൽ വിൽക്കാൻ അനുമതിയില്ല. എന്നാൽ പ്രതിവർഷം മരുന്നുവിലയിൽ 10% വർധന വരുത്താം.

related stories
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.