sections
MORE

ട്രാക്കിൽ അറ്റകുറ്റപ്പണി: 11 വരെ ട്രെയിനുകൾക്കു നിയന്ത്രണം; പകൽ സർവീസുകളെ ബാധിക്കില്ല

palakkad-train
SHARE

കൊല്ലം∙ പെരിനാട് റെയിൽവേ സ്റ്റേഷൻ പരിധിയിൽ ട്രാക്കിൽ അറ്റകുറ്റപ്പണി നടക്കുന്നതിനാൽ ഇന്നു മുതൽ 11 വരെ വിവിധ ട്രെയിനുകൾക്കു നിയന്ത്രണം ഏർപ്പെടുത്തും. രാത്രിയാകും ജോലികളെന്നതിനാൽ പകൽ സർവീസുകളെ നിയന്ത്രണം ബാധിക്കില്ലെന്നു റെയിൽവേ അറിയിച്ചു. 

കൊല്ലം – ആലപ്പുഴ പാസഞ്ചർ 6, 7, 9,11 തീയതികളിലും ആലപ്പുഴ – കൊല്ലം പാസഞ്ചർ 5,6,8,10 തീയതികളിലും പൂർണമായി റദ്ദാക്കി. ആലപ്പുഴ വഴി സർവീസ് നടത്തുന്ന എറണാകുളം – കൊല്ലം മെമു, കോട്ടയം വഴി പോകുന്ന എറണാകുളം – കൊല്ലം പാസഞ്ചർ എന്നിവ ഇന്നും നാളെയും കായംകുളത്തു സർവീസ് അവസാനിപ്പിക്കും. ആലപ്പുഴ വഴി പോകുന്ന കൊല്ലം – എറണാകുളം മെമു, കൊല്ലം – കോട്ടയം പാസഞ്ചർ എന്നിവ നാളെയും 5നും കായംകുളത്തു സർ‌വീസ് അവസാനിപ്പിക്കും.

ഇന്നു നിയന്ത്രണമേർപ്പെടുത്തിയിട്ടുള്ള ട്രെയിനുകൾ: 

രാത്രി 8.30നു പുറപ്പെടേണ്ട തിരുവനന്തപുരം – മംഗളൂരു എക്സ്പ്രസ് 9.30നും രാത്രി 10നു പുറപ്പെടേണ്ട തിരുവനന്തപുരം – മധുര അമൃത എക്സ്പ്രസ് 11നുമായിരിക്കും സർവീസ് ആരംഭിക്കുക. രാത്രി 9.20നു പുറപ്പെടേണ്ട കൊച്ചുവേളി – മംഗളൂരു അന്ത്യോദയ എക്സ്പ്രസ് 10.20നു യാത്ര തുടങ്ങും. പാലക്കാട് – തിരുനെൽവേലി എക്സ്പ്രസിനു കായംകുളത്തിനും ശാസ്താംകോട്ടയ്ക്കുമിടയിൽ 2 മണിക്കൂർ 40 മിനിറ്റ് നിയന്ത്രണമേർപ്പെടുത്തും.

ചെന്നൈ എഗ്‌മോർ – ഗുരുവായൂർ, പാലക്കാട് – തിരുനെൽവേലി, തിരുവനന്തപുരം – മധുര അമൃത, കൊല്ലം– ഹൈദരാബാദ്, ഹൈദരാബാദ്– കൊല്ലം സ്പെഷൽ, മംഗളുരൂ– തിരുവനന്തപുരം, കന്യാകുമാരി– ദിബ്രുഗഡ വിവേക്, കൊച്ചുവേളി– ലോക്മാന്യതിലക്, തിരുവനന്തപുരം  – ഹസ്രത് നിസാമുദീൻ, ഗംഗാനഗർ – കൊച്ചുവേളി, വെരാവൽ– തിരുവനന്തപുരം, മുംബൈ സിഎസ്ടി– തിരുവനന്തപുരം ട്രെയിനുകൾക്ക് 11 വരെ 15 മിനിറ്റ് മുതൽ 3 മണിക്കൂർ വരെ ഈ മേഖലയിൽ നിയന്ത്രണം ഏർപ്പെടുത്തിയിട്ടുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN KERALA
SHOW MORE
FROM ONMANORAMA