ശബരിമല ∙ സർക്കാർ കണക്കിൽ വിശ്വസിക്കുന്നില്ലെന്ന് പന്തളം കൊട്ടാരം നിർവാഹകസമിതി ജനറൽ സെക്രട്ടറി പി എൻ. നാരായണവർമ. ഓൺലൈനിൽ ബുക്ക് ചെയ്ത സ്ത്രീകളുടെ പട്ടിക മാത്രമാണിത്. മാധ്യമങ്ങൾ ഉൾപ്പെടെ എല്ലാവരും കണ്ണിലെണ്ണയൊഴിച്ച് കാത്തിരുന്നു. അതിനാൽ എത്ര പേർ കയറിയെന്ന് എല്ലാവർക്കും അറിയാം. വേഷം മാറ്റി 2 പേരെ എത്തിച്ചു. കുറുക്കുവഴിയിലൂടെ തിരുമുറ്റത്ത് കയറ്റി ഇറക്കി. അതല്ലാതെ ഒന്നും നടന്നതായി ആരും പറഞ്ഞു കേൾക്കുന്നില്ല. ശബരിമലയുടെ കാര്യത്തിൽ മാത്രം സർക്കാരിന് എന്താണ് ഇത്ര പിടിവാശിയെന്ന് മനസ്സിലാകുന്നില്ല.
സർക്കാർ കണക്കിൽ വിശ്വസിക്കുന്നില്ലെന്നും അയ്യപ്പസന്നിധിയിലെ ചടങ്ങുകൾക്കു വന്നതിനാൽ പ്രതികരിക്കുന്നില്ലെന്നും രാജപ്രതിനിധി മൂലംനാൾ രാഘവവർമ രാജാ പറഞ്ഞു.
പട്ടിക അസംബന്ധമാണെന്നു പന്തളം കൊട്ടാര നിർവാഹകസംഘം പ്രസിഡന്റ് പി. ജി. ശശികുമാരവർമ പറഞ്ഞു.
