കോൺഗ്രസ് സ്ഥാനാർഥി പട്ടിക വൈകും
Mail This Article
×
തിരുവനന്തപുരം ∙ ലോക്സഭാ തിരഞ്ഞെടുപ്പിൽ കോൺഗ്രസിന്റെ സ്ഥാനാർഥികളുടെ പട്ടിക 25നു മുൻപ് തീരുമാനിക്കാനുള്ള സാധ്യത മങ്ങി. കാസർകോട്ടെ ഇരട്ടക്കൊലപാതകം കാരണം യുഡിഎഫ് സീറ്റു ചർച്ച ഇതുവരെ നടക്കാത്തതാണു പ്രശ്നം. 18നു നടത്താനിരുന്ന യോഗം 26നു കൊച്ചിയിൽ ചേരാനാണ് ഇപ്പോൾ തീരുമാനിച്ചിരിക്കുന്നത്.
കേരള കോൺഗ്രസിനു(എം) നൽകേണ്ട സീറ്റുകൾ സംബന്ധിച്ച് അന്നു തീരുമാനമുണ്ടായേക്കും. 28നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ നയിക്കുന്ന ജനമഹായാത്ര സമാപിക്കും. അതിനു ശേഷമാകും കോൺഗ്രസ് തിരഞ്ഞെടുപ്പ് കമ്മിറ്റി യോഗം. പതിവുപോലെ സ്ഥാനാർഥികളുടെ സാധ്യതാ പട്ടിക തീരുമാനിക്കാൻ മുതിർന്ന നേതാക്കളെ യോഗം ചുമതലപ്പെടുത്തുമെന്നാണു സൂചന. പിന്നാലെ പട്ടിക ഹൈക്കമാൻഡിന്റെ അനുമതിക്കായി സമർപ്പിക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.