ചാക്കോയുടെ പ്രതികരണം: കേരള നേതാക്കൾക്ക് അമർഷം

തിരുവനന്തപുരം ∙ കോൺഗ്രസ് സ്ഥാനാർഥിപ്പട്ടികയിൽ ഗ്രൂപ്പിസം പ്രതിഫലിച്ചെന്ന മുതിർന്ന നേതാവ് പി.സി. ചാക്കോയുടെ പ്രതികരണം അനവസരത്തിലെന്ന വിലയിരുത്തലിൽ സംസ്ഥാന നേതൃത്വം. ഇക്കാര്യത്തിൽ കേരള നേതാക്കൾ അമർഷത്തിലാണ്. രാഹുൽ ഗാന്ധി കേരളത്തിൽ മത്സരിക്കുമെന്ന പ്രതീതിയുള്ളപ്പോഴാണു പട്ടിക സംബന്ധിച്ച തർ‍ക്കങ്ങളെക്കുറിച്ചു ചാക്കോ പ്രതികരിച്ചത്. പരസ്യവിവാദങ്ങളിൽ നിന്നു വിട്ടുനിൽക്കണമെന്ന നിർദേശം മുതിർന്ന നേതാക്കൾ തന്നെ ലംഘിക്കുന്നതു നിർഭാഗ്യകരമാണെന്നും നേതാക്കൾ ചൂണ്ടിക്കാട്ടുന്നു.