സർക്കാരിന്റെ വിലയിരുത്തലെന്നു പറയാൻ വെല്ലുവിളിച്ച് ഉമ്മൻചാണ്ടി

കണ്ണൂർ ∙ ഇത്തവണത്തെ ലോക്സഭാ തിരഞ്ഞെടുപ്പ് സംസ്ഥാന സർക്കാരിന്റെ മൂന്നര വർഷത്തെ പ്രവർത്തനത്തിന്റെ വിലയിരുത്തലാകുമെന്നു പ്രഖ്യാപിക്കാൻ മുഖ്യമന്ത്രി പിണറായി വിജയനോ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനോ ധൈര്യമുണ്ടോയെന്ന് എഐസിസി ജനറൽ സെക്രട്ടറി ഉമ്മൻചാണ്ടിയുടെ വെല്ലുവിളി. 2014ലെ ലോക്സഭാ തിരഞ്ഞെടുപ്പിൽ മാധ്യമങ്ങൾ തന്നോട് ഈ ചോദ്യം ചോദിച്ചപ്പോൾ, സർക്കാരിന്റെ വിലയിരുത്തലാകുമെന്നു താൻ പറഞ്ഞിരുന്നു. കേരളത്തിൽ ഭൂരിപക്ഷം സീറ്റുകളും അന്നു യുഡിഎഫ് നേടുകയും ചെയ്തു. ദേശീയതലത്തിൽ മത്സരം കോൺഗ്രസും ബിജെപിയും തമ്മിലാണ്. കൊച്ചുകുട്ടികൾക്കു പോലും അറിയാവുന്ന ഇക്കാര്യം കോടിയേരിക്ക് അറിയില്ല.