2 സീറ്റുകള് ഉറപ്പ്; സുരേഷ് ഗോപിയുടെ വ്യക്തിപ്രഭാവം നിർണായകമെന്ന് ആർഎസ്എസ്
Mail This Article
കൊച്ചി ∙ തിരുവനന്തപുരം, പത്തനംതിട്ട സീറ്റുകളിൽ ബിജെപി സ്ഥാനാർഥികൾ വിജയം ഉറപ്പാക്കിയെന്ന് ആർഎസ്എസ് വിലയിരുത്തൽ. കോട്ടയത്ത് കെ.എം. മാണിയുടെ നിര്യാണത്തെത്തുടർന്ന് വന്ന സാഹചര്യം എങ്ങനെയെന്ന് ഇപ്പോൾ പറയാനാവില്ല. തൃശൂരിൽ സുരേഷ്ഗോപിയുടെ വ്യക്തിപ്രഭാവം എത്ര വോട്ടു നേടുമെന്നതിനെ ആശ്രയിച്ചാവും വിജയസാധ്യതയെന്നും ആർഎസ്എസ് പ്രാന്ത കാര്യവാഹ് പി. ഗോപാലൻകുട്ടി ‘മനോരമ’യോടു പറഞ്ഞു.
വൻഭൂരിപക്ഷത്തോടെ പത്തനംതിട്ടയിൽ താൻ വിജയിക്കുമെന്ന് പറഞ്ഞ കെ. സുരേന്ദ്രൻ, തിരഞ്ഞെടുപ്പ് ഫലം വരുമ്പോൾ സ്വന്തം വോട്ട് എവിടെ പോയെന്ന് സിപിഎം പറയേണ്ടിവരുമെന്ന് ഓർമിപ്പിച്ചു. തിരുവനന്തപുരത്തു വിജയം ഉറപ്പാണെന്ന് കുമ്മനം രാജശേഖരൻ പറഞ്ഞു. തിരഞ്ഞെടുപ്പു പ്രവർത്തന അവലോകനത്തിനായി സംഘപരിവാർ സംഘടനകളുടെ നേതാക്കൾ യോഗം ചേർന്നു വോട്ടിങ് നിലയും വിജയസാധ്യതയും അവലോകനം ചെയ്യുന്ന യോഗം വൈകാതെ ചേരുമെന്നും ഗോപാലൻകുട്ടി അറിയിച്ചു