sections
MORE

റേഷൻ മണ്ണെണ്ണ: എല്ലാവർക്കും ഈ മാസം ഒരു ലീറ്റർ

Ration Shop
SHARE

ആലപ്പുഴ ∙ ജൂണിൽ ഒരു ലീറ്റർ മണ്ണെണ്ണ വീതം മുഴുവൻ കാർഡുടമകൾക്കും വിതരണം ചെയ്യാൻ പൊതുവിതരണ വകുപ്പിന്റെ നിർദേശം. റേഷൻ കടകളിൽ ആവശ്യത്തിന് മണ്ണെണ്ണ എത്തിക്കാതെയാണ് ഉത്തരവിറക്കിയത് എന്നു വ്യാപാരികൾ. മുഴുവൻ കാർഡുടമകളും മണ്ണെണ്ണ വാങ്ങാറില്ലെന്ന നിഗമനത്തിൽ അലോട്മെന്റ് കുറച്ചതാണെന്ന്  പൊതുവിതരണ വകുപ്പ്.

കഴിഞ്ഞ മാസം റേഷൻ കടകളിൽ വിതരണത്തിനു നൽകിയ മണ്ണെണ്ണയുടെ ഏകദേശം 75% മാത്രമേ കാർഡുടമകൾ കൈപ്പറ്റിയിട്ടുള്ളൂ എന്നാണ് പൊതുവിതരണ വകുപ്പിന്റെ കണക്ക്. പല റേഷൻ കടകളിലും മണ്ണെണ്ണ സ്റ്റോക്ക് ബാക്കിയുണ്ട്. ജൂണിലെ അലോട്മെന്റ് നിശ്ചയിച്ചപ്പോൾ ഈ സ്റ്റോക്ക് കൂടി പരിഗണിച്ച് റേഷൻ കടകൾക്കുള്ള അളവ് കുറച്ചു. സാധാരണ കാർഡുടമകൾക്ക് അര ലീറ്റർ മണ്ണെണ്ണ അനുവദിക്കുന്ന സ്ഥാനത്ത് ഈ മാസം ഒരു ലീറ്റർ വീതം വിതരണം ചെയ്യാൻ നിർദേശം നൽകുകയും ചെയ്തു. വൈദ്യുതീകരിക്കാത്ത വീടുകൾക്ക് നിലവിൽ 4 ലീറ്റർ മണ്ണെണ്ണ നൽകുന്നുണ്ട്. ഒരു ലീറ്റർ മണ്ണെണ്ണയുണ്ടെന്ന് കാർഡ് ഉടമകൾക്കു ഫോൺ സന്ദേശം നൽകിയിട്ടുണ്ട്. ഇ പോസിലും ഈ അളവ് കാണിക്കും.

മഴക്കാലങ്ങളിൽ റേഷൻ വിൽപന വർധിക്കുന്ന പതിവാണുള്ളത്. അതിനാൽ കഴിഞ്ഞ മാസത്തെക്കാൾ കൂടുതൽ കാർഡുടമകൾ റേഷൻ കടയിലെത്തുമെന്ന് വ്യാപാരികൾ പറയുന്നു. ഇത്തവണ അനുവദിച്ച മണ്ണെണ്ണ പല കടകളിലും 65–80 ശതമാനം കാർഡ് ഉടമകൾക്കു നൽകാനേ കഴിയൂ. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA