മലയാള മനോരമ ബാലറ്റ് ട്വന്റി 20 പ്രവചനമത്സരം: ജംഷീദിന് കാർ സമ്മാനിച്ചു

കോട്ടയം ∙ മലയാള മനോരമ ബാലറ്റ് ട്വന്റി 20 പ്രവചന മത്സരത്തിലെ ബംപർ വിജയി മുഹമ്മദ് ജംഷീദിനു സമ്മാനമായ മാരുതി സ്വിഫ്റ്റ് കാർ കേന്ദ്രമന്ത്രി വി. മുരളീധരൻ സമ്മാനിച്ചു. ലോക്സഭാ തിരഞ്ഞെടുപ്പിൽ കേരളത്തിൽനിന്നു ജയിക്കുന്ന 20 എംപിമാരുടെയും പേരുകൾ കൃത്യമായി മുഹമ്മദ് ജംഷീദ് പ്രവചിച്ചിരുന്നു. മഞ്ചേരി ട്രീജി ഐ ഹോസ്പിറ്റലിൽ അക്കൗണ്ടന്റാണ് ജംഷീദ്. പ്രമുഖ ധനകാര്യ സ്ഥാപനമായ കൊശമറ്റം ഫിനാൻസ് ലിമിറ്റഡായിരുന്നു ബാലറ്റ് ട്വന്റി 20 പ്രായോജകർ. കൊശമറ്റം   മാനേജിങ് ഡയറക്ടർ മാത്യു കെ. ചെറിയാൻ പങ്കെടുത്തു.