sections
MORE

ഡിസംബർ 26ന് സൂര്യഗ്രഹണം, ദക്ഷിണേന്ത്യയിൽ കാണാം

HIGHLIGHTS
  • ഏറ്റവും കൂടുതൽ സമയം നാമക്കലിൽ, കേരളത്തിലും കാണാം
Dark planet and planet Earth
പ്രതീകാത്മക ചിത്രം
SHARE

പാലക്കാട് ∙ സൂര്യഗ്രഹണം വ്യക്തതയോടെ നിരീക്ഷിക്കാൻ ഈ വർഷം ഭാഗ്യം ഇന്ത്യയ്ക്കായിരിക്കും. ഡിസംബർ 26നു സംഭവിക്കുന്ന സൂര്യഗ്രഹണം ദക്ഷിണേന്ത്യൻ സംസ്ഥാനങ്ങളിലാണ് ഏറ്റവും വ്യക്തമായി കാണാൻ സാധിക്കുകയെന്ന് ഉജ്ജയിനിലെ ജിവാജി വാനനിരീക്ഷണകേന്ദ്രം വ്യക്തമാക്കുന്നു. 

തമിഴ്നാട്ടിലെ നാമക്കലിലാണു ഭൂമിയിൽ തന്നെ കൂടുതൽ സമയം ഗ്രഹണം ദൃശ്യമാകുക. ഇവിടെ 4 മിനിറ്റ് വരെ നീളാം. പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്, തമിഴ്നാട്ടിലെ കോയമ്പത്തൂർ എന്നീ ജില്ലകളിൽ 2 മിനിറ്റ് വരെ ദൈർഘ്യമുണ്ടാകും. രാവിലെ 9.04 മുതൽ ഉച്ചയ്ക്ക് 12.30 വരെയാണ് ഇന്ത്യയിൽ ഗ്രഹണം ദൃശ്യമാകുക എന്നു പാലക്കാട് ഐഐടി ഡയറക്ടർ ഡോ. പി.ബി. സുനിൽ കുമാർ വ്യക്തമാക്കി. ചന്ദ്രൻ ഭൂമിക്കും സൂര്യനുമിടയിൽ പൂർണമായും വരുമ്പോഴുള്ള ദൃശ്യവും കാണാനാകും. 87% വരെ സൂര്യൻ മറയ്ക്കപ്പെടും. 

സൗദി അറേബ്യ, ഇന്തൊനീഷ്യ, ശ്രീലങ്ക, സിംഗപ്പൂർ എന്നിവിടങ്ങളിലും ഗ്രഹണം ദൃശ്യമാകും. 2010 ജനുവരി 15നാണ് ഇന്ത്യയിൽ ഏറ്റവുമൊടുവിൽ പൂർണ സൂര്യഗ്രഹണം ദൃശ്യമായത്. പൂർണ സൂര്യഗ്രഹണത്തിന്റെ പരമാവധി ദൈർഘ്യം 7 മിനിറ്റും 31 സെക്കൻഡുമാണ്. ഇതിൽ കൂടുതൽ ദൈർഘ്യമുണ്ടാകുന്നതു നൂറ്റാണ്ടിൽ ഒരിക്കൽ മാത്രം. ഏറ്റവുമൊടുവിൽ അതു സംഭവിച്ചത് 1973 ജൂൺ 30ന് ആയിരുന്നു. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA