ADVERTISEMENT

ന്യൂഡൽഹി ∙ കേരളത്തിൽ ബിജെപിയിൽ ചേർന്ന പ്രമുഖരുടെയും സിപിഎം, സിപിഐ എന്നീ പാർട്ടികളിൽ നിന്നു വന്നവരുടെയും പട്ടിക പ്രസിദ്ധീകരിക്കുമെന്നു സംസ്ഥാന അധ്യക്ഷൻ പി.എസ്.ശ്രീധരൻപിള്ള. പുതുതായി 11 ലക്ഷം പേർ കേരളത്തിൽ അംഗത്വമെടുത്തതായും അദ്ദേഹം പറഞ്ഞു. കേരളത്തിൽ ബിജെപി അംഗങ്ങളുടെ എണ്ണം 26 ലക്ഷമായി. ന്യൂനപക്ഷങ്ങളിൽ നിന്നും കേഡർ പാർട്ടികളിൽ നിന്നും ഒട്ടേറെ പേർ ബിജെപിയിലേക്കെത്തി.

പാർട്ടിയിൽ ചേർന്ന പ്രമുഖർക്കു ചുമതലകൾ നൽകാൻ കേരളത്തിനു പ്രത്യേകാനുമതി ലഭിച്ചിട്ടുണ്ട്. പൊതുവെ ഒരുവർഷം സാധാരണ അംഗമായി പ്രവർത്തിച്ച ശേഷമാണു ചുമതലകൾ നൽകുക. കേരളത്തിൽ പാർട്ടിയിൽ ചേർന്ന ജനപിന്തുണയുള്ള പ്രമുഖർക്കു ചുമതലകൾ നൽകാൻ പ്രത്യേകാനുമതിയാണു ലഭിച്ചിരിക്കുന്നത്.

തിരുവനന്തപുരം, കൊല്ലം, തൃശൂർ തുടങ്ങിയവയാണു കൂടുതൽ അംഗത്വം വർധിച്ച ജില്ലകളെന്നും ശ്രീധരൻപിള്ള പറഞ്ഞു. സംഘടനാ ചുമതലയുള്ള ജനറൽ സെക്രട്ടറി ബി.എൽ.സന്തോഷുമായി ശ്രീധരൻപിള്ള ചർച്ചകൾ നടത്തി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com