ഇന്നും നാളെയും ഇടുക്കിയിൽ യെലോ അലർട്ട്; കോട്ടയത്ത് നാളെ

തിരുവനന്തപുരം ∙ ബംഗാൾ ഉൾക്കടലിൽ രൂപംകൊണ്ട ബുൾബുൾ ചുഴലിക്കാറ്റ് അതിതീവ്രമായി മാറി. മണിക്കൂറിൽ 160 കിലോമീറ്റർ വരെ വേഗമാർജിച്ച ചുഴലിക്കാറ്റ് ഒഡീഷയുടെ തീരത്തു നിന്ന് 310 മീറ്റർ അകലെയാണിപ്പോൾ. ബംഗാൾ തീരത്തേക്കാണു നീങ്ങുന്നതെങ്കിലും ഇന്നു വൈകിട്ടോടെ ശക്തി കുറയുമെന്നാണു വിലയിരുത്തൽ.

ഇടുക്കി, പത്തനംതിട്ട, മലപ്പുറം, കോഴിക്കോട് ജില്ലകളിൽ ഇന്നു ശക്തമായ മഴയ്ക്കു സാധ്യതയുള്ളതിനാൽ യെലോ അലർട്ട് പ്രഖ്യാപിച്ചു. നാളെ കോട്ടയം, ഇടുക്കി, കൊല്ലം, പത്തനംതിട്ട, ആലപ്പുഴ, മലപ്പുറം, വയനാട് ജില്ലകളിൽ യെലോ അലർട്ട് നൽകിയിട്ടുണ്ട്.