പ്രതിദിന ട്രെയിനുകൾ ഓടിത്തുടങ്ങി
Mail This Article
തിരുവനന്തപുരം∙ മുൻകൂട്ടി റിസർവ് ചെയ്ത യാത്രക്കാരുമായി സംസ്ഥാനത്തുനിന്നു കൂടുതൽ സ്പെഷൽ ട്രെയിൻ സർവീസ് ആരംഭിച്ചു. ആഴ്ചയിൽ 5 ദിവസം കോട്ടയം വഴിയുള്ള 02082/02081 തിരുവനന്തപുരം– കണ്ണൂർ – തിരുവനന്തപുരം ട്രെയിൻ, അനിശ്ചിത കാലത്തേക്കു കോഴിക്കോട് വരെയായി ചുരുക്കി.
കണ്ണൂരിൽ ഹോട്സ്പോട്ടുകൾ കൂടുതലായ സാഹചര്യത്തിൽ സംസ്ഥാന സർക്കാർ ആവശ്യപ്പെട്ട പ്രകാരമാണിത്. കണ്ണൂരിൽനിന്നു ടിക്കറ്റ് ബുക്ക് ചെയ്തവരുടെ യാത്ര അവസാന നിമിഷമുണ്ടായ ഈ മാറ്റം കാരണം ഇന്നലെ മുടങ്ങി.
റെയിൽവേ അറിയിപ്പുകൾ:
∙ ഇതര സംസ്ഥാനങ്ങളിൽനിന്നു വരുന്ന ട്രെയിനുകളിൽ എത്തുന്ന യാത്രക്കാർക്ക് കണ്ണൂരിൽ ഇറങ്ങാം.
∙ നിലവിൽ റദ്ദാക്കിയ എല്ലാ പാസഞ്ചർ എക്സ്പ്രസ് സർവീസുകളും 30 വരെ പൂർണമായും റദ്ദാക്കി.
∙ സർവീസ് നടത്തുന്ന ട്രെയിനുകളിൽ ടിക്കറ്റുകൾ 120 ദിവസം മുൻപു വരെ ബുക്ക് ചെയ്യാം.
∙ തിരുവനന്തപുരത്തുനിന്നു ലോക്മാന്യതിലക് ടെർമിനസിലേക്കുള്ള സ്പെഷൽ ട്രെയിൻ (06346) ഇന്നു രാവിലെ ഒരു മണിക്കൂർ വൈകി 10.30 ന് പുറപ്പെടും.
∙ ആരോഗ്യ, ടിക്കറ്റ് പരിശോധനകൾ പൂർത്തിയാക്കാൻ യാത്രക്കാർ ട്രെയിൻ പുറപ്പെടുന്നതിനു ഒന്നര മണിക്കൂർ മുൻപ് എത്തണം.
∙ വൈകി എത്തുന്നവരെ കൺഫേംഡ് ടിക്കറ്റ് ഉണ്ടായാലും പരിശോധന പൂർത്തിയാക്കാൻ വൈകിയാൽ ട്രെയിനിൽ കയറാൻ അനുവദിക്കില്ല.
∙ ആരോഗ്യ സേതു ആപ് ഫോണിൽ ഇൻസ്റ്റാൾ ചെയ്യണം.
സ്പെഷൽ ട്രെയിനുകളുടെ പുറപ്പെടുന്ന സമയം
∙ തിരുവനന്തപുരം– മുംബൈ ലോക്മാന്യതിലക് സ്പെഷൽ (06346)– രാവിലെ 9.30
∙ മുംബൈ ലോക്മാന്യതിലക്– തിരുവനന്തപുരം സ്പെഷൽ (06345)– രാവിലെ 11.40
∙ എറണാകുളം– നിസാമുദ്ദീൻ സൂപ്പർ ഫാസ്റ്റ് സ്പെഷൽ (02617)– ഉച്ചയ്ക്ക് 1.15
∙ നിസാമുദ്ദീൻ– എറണാകുളം സൂപ്പർഫാസ്റ്റ് സ്പെഷൽ (02618)– രാവിലെ 9.15
∙ നിസാമുദ്ദീൻ– എറണാകുളം വീക്ക്ലി തുരന്തോ സ്പെഷൽ (ശനിയാഴ്ചകളിൽ)– രാത്രി 9.15
∙ എറണാകുളം– നിസാമുദ്ദീൻ വീക്ക്ലി തുരന്തോ സ്പെഷൽ (ചൊവ്വാഴ്ചകളിൽ)– രാത്രി 11.25
∙ തിരുവനന്തപുരം– കോഴിക്കോട് ജനശതാബ്ദി സ്പെഷൽ (02076)– രാവിലെ 5.55
∙ കോഴിക്കോട്– തിരുവനന്തപുരം ജനശതാബ്ദി സ്പെഷൽ (02075)– ഉച്ചയ്ക്ക് 1.45
∙ തിരുവനന്തപുരം– കോഴിക്കോട് ജനശതാബ്ദി സ്പെഷൽ (02082) ഉച്ചയ്ക്ക് 2.45നു പുറപ്പെടും
(ചൊവ്വ, ശനി ഒഴികെയുള്ള ദിവസങ്ങളിൽ)
∙ കോഴിക്കോട്– തിരുവനന്തപുരം ജനശതാബ്ദി സ്പെഷൽ (02081) രാവിലെ 6.05നു പുറപ്പെടും. (ബുധൻ, ഞായർ ഒഴികെയുള്ള ദിവസങ്ങളിൽ)
English summary: Lockdown: Train schedule Kerala