ഹയർ സെക്കൻഡറി പ്രവേശനത്തിന് സാമ്പത്തിക സംവരണം: തീരുമാനമായില്ല

തിരുവനന്തപുരം ∙ ഒന്നാം വർഷ ഹയർസെക്കൻഡറി പ്രവേശനത്തിനു മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്നവർക്കു 10% സാമ്പത്തിക സംവരണം നടപ്പാക്കുന്ന കാര്യത്തിൽ തീരുമാനമായില്ല.

പൊതുവിദ്യാഭ്യാസ മന്ത്രി സി. രവീന്ദ്രനാഥ് ഇന്നു തലസ്ഥാനത്തു തിരിച്ചെത്തിയ ശേഷം ഇക്കാര്യം ചർച്ച ചെയ്യും. തുടർന്നു നയ തീരുമാനം ആവശ്യമാണെങ്കിൽ നാളെ ചേരുന്ന മന്ത്രിസഭാ യോഗത്തിന്റെ പരിഗണനയ്ക്കു വിടും. ഹയർസെക്കൻഡറി സീറ്റ് വർധിപ്പിക്കുന്ന കാര്യവും നാളത്തെ മന്ത്രിസഭാ യോഗത്തിൽ വരുന്നുണ്ട്.

English summary: Plus One admission reservation