പെട്ടിമുടിയിൽ മൂന്നാം ഘട്ട തിരച്ചിൽ ഊർജിതം

മൂന്നാർ ∙ പെട്ടിമുടിയിലെ ദുരന്തഭൂമിയിൽ മൂന്നാം ഘട്ട തിരച്ചിൽ ഊർജിതം. ഇന്നലെ മൃതദേഹങ്ങൾ കണ്ടെത്തിയിട്ടില്ല. ഉരുൾപൊട്ടിയ പ്രദേശത്തു നിന്നു മണ്ണു നീക്കി മറ്റൊരിടത്തേക്കു മാറ്റിയാണ് തിരച്ചിൽ . പെട്ടിമുടി പുഴയിലും തിരച്ചിൽ തുടരുകയാണ്. ഞായറാഴ്ച  രണ്ട് പേരുടെ മൃതദേഹങ്ങൾ കണ്ടെത്തിയത് പുഴയിൽ നിന്നാണ്. ഇതുവരെ  58 പേരുടെ മൃതദേഹങ്ങൾ കണ്ടെത്തി. പെട്ടിമുടി പുഴ ചെന്നുചേരുന്ന കടലാർ, കടലാർ ചേരുന്ന കരിമ്പരിയാർ എന്നിവിടങ്ങളിലും തിരച്ചിൽ നടത്താനാണ് തീരുമാനം. ഡോഗ് സ്‌ക്വാഡിനെ കൂടി ഉൾപ്പെടുത്തിയാണ്  പരിശോധന പുരോഗമിക്കുന്നത്. 12 പേരെ ഇനിയും കണ്ടെത്താനുണ്ട്.