റോഡിലേക്ക് കടന്നൽക്കൂട്ടം അടർന്നുവീണു; കുത്തേറ്റ് ബൈക്ക് യാത്രികൻ മരിച്ചു

വെള്ളറട (തിരുവനന്തപുരം) ∙ മരക്കൊമ്പിൽ നിന്ന് റോഡിലേക്ക് അടർന്നുവീണ കടന്നൽക്കൂട്ടത്തിൻെറ കുത്തേറ്റ് ബൈക്ക് യാത്രികൻ മരിച്ചു. കെട്ടിട നിർമാണ തൊഴിലാളി ഒറ്റശേഖരമംഗലം ആലച്ചക്കോണം സുനിത ഭവനിൽ ഉണ്ണികൃഷ്ണൻ (52) ആണ് മരിച്ചത്.

കടന്നൽക്കൂട്ടത്തെ കണ്ട് ബൈക്ക് ഉപേക്ഷിച്ച് അര കിലോമീറ്ററോളം ഓടിയെങ്കിലും കടന്നലുകൾ പിന്തുടർന്ന് കുത്തിയതോടെ അവശനായി വീണു. സമീപത്ത് മീൻകച്ചവടം ചെയ്യുകയായിരുന്ന ഒറ്റശേഖരമംഗലം പുന്നപുതുവറ സുധീഷ് ഭവനിൽ സുദർശനനെ (52) കടന്നൽക്കുത്തേറ്റ് കാരക്കോണം സിഎസ്ഐ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സ്ത്രീകൾ അടക്കം ഏറെ നാട്ടുകാർക്കും കുത്തേറ്റു. 

ഒറ്റശേഖരമംഗലം– വാളികോട് റോഡിലെ ചിറ്റൻകാലയിൽ ഇന്നലെ രാവിലെ 9.30ന് ആയിരുന്നു സംഭവം. 

Content Highlights: One killed in bee attack Thiruvananthapuram