കുട്ടികളുടെ സൈബർ സുരക്ഷ: നിർദേശം അറിയിക്കാം

പാലക്കാട് ∙ ഓൺലൈൻ പഠനകാലത്ത് മൊബൈൽ ഫോണും കംപ്യൂട്ടറും ഉപയോഗിക്കുന്ന കുട്ടികളുടെ സൈബർ സുരക്ഷ ലക്ഷ്യമിട്ട് കേരള പൊലീസിന്റെ ‘സൈബർ സുരക്ഷയ്ക്കു കുടുംബത്തോടൊപ്പം’ പദ്ധതിക്കു തുടക്കം. ഇന്റർനെറ്റ് ഉപയോഗിക്കുമ്പോൾ കുട്ടികൾ നേരിടേണ്ടി വരുന്ന പ്രശ്നങ്ങളും ആശങ്കകളും പഠിച്ചു പരിഹാരം കണ്ടെത്തുകയാണു ലക്ഷ്യം.

ഇന്ന് ഇതു സംബന്ധിച്ചു കുട്ടികളുമായി സംസാരിച്ചു പ്രതികരണങ്ങളും നിർദേശങ്ങളും കേരള പൊലീസിന്റെ ഫെയ്സ്ബുക് പേജിൽ കമന്റായി അറിയിക്കാനാണ് ആവശ്യപ്പെട്ടിട്ടുള്ളത്. കുട്ടിയുടെ പേരോ ഫോൺ നമ്പറോ മറ്റു വിവരങ്ങളോ നൽകരുത്. kerala police media centre kerala എന്ന ഫെയ്സ്ബുക് ഐഡിയിലാണ് അഭിപ്രായം അറിയിക്കേണ്ടത്.