ഇടുക്കിയിൽ ഇന്ന് അവധി; കോട്ടത്ത് 10ന്

തിരുവനന്തപുരം∙ ഇന്ന് തദ്ദേശ തിരഞ്ഞെടുപ്പു നടത്തുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിൽ അവധി. വോട്ട് ചെയ്യുന്നതിനു സ്വകാര്യ സ്ഥാപനങ്ങളിലെ ജീവനക്കാർക്കും അവധി അനുവദിച്ചിട്ടുണ്ട്. വേതനം കുറയ്ക്കാതെ അവധി നൽകാനാണു സംസ്ഥാന തിരഞ്ഞെടുപ്പു കമ്മിഷന്റെ ഉത്തരവ്.

സ്വന്തം ജില്ലയ്ക്കു പുറത്തു ജോലിയുള്ളവർക്കു വോട്ടെടുപ്പു ദിവസം സ്വന്തം ജില്ലയിലെ പോളിങ് സ്റ്റേഷനിൽ പോയി വോട്ടു ചെയ്യാൻ പ്രത്യേക അനുമതി നൽകണം. അവധി നൽകാത്തതു പിഴ ഈടാക്കാവുന്ന കുറ്റമാണ്.

10നു കോട്ടയം എറണാകുളം, തൃശൂർ, പാലക്കാട്, വയനാട് ജില്ലകളിലും ഡിസംബർ 14നു മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും അവധിയാണ്. തിരഞ്ഞെടുപ്പു ഡ്യൂട്ടിയിലുള്ള ഉദ്യോഗസ്ഥർക്കു തൊട്ടടുത്ത ദിവസം ഡ്യൂട്ടി ലീവ് അനുവദിക്കും.

English Summary: Holiday for private firms in Idukki