പ്രത്യേക സാമ്പത്തിക മേഖല: ഊരാളുങ്കലിന്റെ അപേക്ഷ കേന്ദ്രവും അംഗീകരിച്ചു

ന്യൂഡൽഹി ∙ കോഴിക്കോട്  നെല്ലിക്കോട് വില്ലേജിലെ പ്രത്യേക സാമ്പത്തിക മേഖലയുടെ (എസ്ഇസെഡ്) പരിധിയിൽനിന്ന് 4.81 ഹെക്ടർ ഒഴിവാക്കണമെന്ന ഊരാളുങ്കൽ ലേബർ കോൺട്രാക്ട്   കോഓപ്പറേറ്റീവ് സൊസൈറ്റിയുടെ അപേക്ഷ കേന്ദ്ര സർക്കാർ അംഗീകരിച്ചു.

ഇതു സംബന്ധിച്ച് വാണിജ്യ, വ്യവസായ മന്ത്രാലയം വിജ്ഞാപനമിറക്കി. കഴിഞ്ഞ ഫെബ്രുവരി 24ന് അപേക്ഷ സംസ്ഥാന സർക്കാർ   അംഗീകരിച്ചിരുന്നു. തുടർന്നു കൊച്ചി എസ്ഇസെഡ് ഡവലപ്മെന്റ് കമ്മിഷണറാണ് അപേക്ഷ കേന്ദ്രത്തിന്റെ പരിഗണനയ്ക്കു നൽകിയത്. ഇനി 5.352 ഹെക്ടറാണു നെല്ലിക്കോട് എസ്ഇസെഡിലുള്ളത്.