ഡീസൽ വില റെക്കോർഡ‌ിൽ; 79.62 രൂപ

കൊച്ചി∙ സംസ്ഥാനത്ത് ഡീസൽ വില റെക്കോർഡ് ഉയരത്തിൽ. ഇന്ന് 27 പൈസ കൂടി ഉയർന്നതോടെ കൊച്ചി നഗരത്തിൽ ഒരു ലീറ്റർ ഡീസലിന്റെ വില 79.62 രൂപയായി. 79.40 രൂപയെന്ന 2018 ഒക്ടോബറിലെ റെക്കോർഡാണ് തകർത്തത്. പെട്രോൾ വിലയും റെക്കോർഡ് നിലവാരത്തിനു തൊട്ടടുത്തെത്തി. 85.47 രൂപയാണ് കൊച്ചി നഗരത്തിനുള്ളിലെ വില. 85.99 രൂപയാണ് 2018ലെ റെക്കോർഡ്.

ട്രഷറി സ്ഥിരനിക്ഷേപം: പലിശ കുത്തനെ കുറച്ചു

തിരുവനന്തപുരം ∙ ട്രഷറി സ്ഥിരനിക്ഷേപത്തിന്റെ പലിശ സർക്കാർ കുത്തനെ കുറച്ചു. വിവിധ കാലാവധിയുള്ള നിക്ഷേപങ്ങളുടെ പലിശ 1.1% മുതൽ 2.1% വരെയാണ് വെട്ടിക്കുറച്ചത്. ഏറ്റവും ഉയർന്ന പലിശനിരക്ക് ഇനി 7.5% ആയിരിക്കും. നിലവിൽ ഇത് 8.5% ആണ്. 

Content Highlights: Diesel price hits record in Kerala