ഓട്ടോറിക്ഷാ തൊഴിലാളി വീടിനുള്ളിൽ വെട്ടേറ്റു മരിച്ച നിലയിൽ
Mail This Article
ഇലന്തൂർ (പത്തനംതിട്ട) ∙ ഓട്ടോറിക്ഷാ തൊഴിലാളി വീടിനുള്ളിൽ വെട്ടേറ്റു മരിച്ച നിലയിൽ. ഇലന്തൂർ ശാലേം ജംക്ഷനു സമീപം ചെളിക്കുഴി പൂവപ്പള്ളി കിഴക്കേഭാഗത്ത് ഏബ്രഹാം കെ.ഇട്ടി (കൊച്ചുമോൻ – 52) ആണ് മരിച്ചത്.
സമീപത്തെ പുരയിടത്തിൽ കിണർ നിർമിക്കുന്നവർ മോട്ടർ കൊച്ചുമോന്റെ വീട്ടിലായിരുന്നു സൂക്ഷിച്ചിരുന്നത്. ഇന്നലെ രാവിലെ തൊഴിലാളികൾ ഇതെടുക്കാനായി എത്തിയപ്പോൾ വീട് അടഞ്ഞു കിടക്കുകയായിരുന്നു. ലൈറ്റുകൾ അണച്ചിട്ടില്ലായിരുന്നു.
പലവട്ടം വിളിച്ചിട്ടും വാതിൽ തുറക്കാത്തതിനാൽ ഇവർ പ്രദേശവാസികളെ വിവരം അറിയിച്ചു. തുടർന്നു നടത്തിയ പരിശോധനയിലാണ് രക്തത്തിൽ കുളിച്ച നിലയിൽ ഏബ്രഹാമിന്റെ മൃതദേഹം അടുക്കളയിൽ കണ്ടെത്തിയത്.
ഇലന്തൂർ ജംക്ഷനിലെ ഓട്ടോറിക്ഷാ ഡ്രൈവറായ ഏബ്രഹാം തനിച്ചായിരുന്നു താമസം.
Content Highlights: Auto driver hacked to death in Pathanamthitta