കോവിഡ് മുക്തിയി‍ൽ വീണ്ടും കേരളം ഒന്നാമത്

ന്യൂഡൽഹി ∙ കോവിഡ് മുക്തി നേടിയവരുടെ എണ്ണത്തിൽ വീണ്ടും കേരളം ഒന്നാമതെത്തി. 24 മണിക്കൂറിനുള്ളിൽ 4652 പേരാണു കേരളത്തിൽ കോവിഡ് മുക്തരായത്. രാജ്യത്തൊട്ടാകെ 16,577 പുതിയ കേസുകളാണുള്ളത്, 120 മരണങ്ങളും. കൂടുതൽ കേസുകളും മരണങ്ങളും മഹാരാഷ്ട്രയിലാണ്. കേരളത്തിൽ 3677 കേസുകളും 14 മരണങ്ങളും റിപ്പോർട്ട് ചെയ്തു. ഡൽഹിയടക്കം 20 സംസ്ഥാനങ്ങളിൽ 24 മണിക്കൂറിനുള്ളിൽ മരണങ്ങളൊന്നും റിപ്പോർട്ട് ചെയ്തില്ല.

രാജ്യത്ത് കോവിഡ് മുക്തി നിരക്ക് 97.17 ശതമാനമായി. 21 സംസ്ഥാനങ്ങളിൽ ചികിത്സയിലുള്ളവരുടെ എണ്ണം ആയിരത്തിൽ താഴെയായി. ഇതുവരെ 1.34 കോടി ആളുകൾ വാക്സീൻ സ്വീകരിച്ചു.

Content Highlights: Covid negative cases Kerala