കേരളം 24 ദിവസംകൊണ്ട് ആദ്യ ഡോസ് വാക്സിനേഷൻ പൂർത്തിയാക്കും: പഠനം
Mail This Article
തിരുവനന്തപുരം ∙ കേരളത്തിന് 24 ദിവസം കൊണ്ട് ഒന്നാം ഡോസ് വാക്സീൻ കുത്തിവയ്പ് പൂർത്തിയാക്കാനാകുമെന്ന് പഠനം. കഴിഞ്ഞ ഒരാഴ്ചത്തെ വാക്സീൻ വിതരണ ശരാശരിയുടെ അടിസ്ഥാനത്തിൽ ലോകാരോഗ്യ സംഘടന കൺസൽറ്റന്റും ഹെൽത്ത് ഇക്കോണമിസ്റ്റുമായ റിജോ.എം.ജോൺ ആണ് വിവിധ സംസ്ഥാനങ്ങളിലെ ആദ്യ ഡോസ് സമയപ്പട്ടിക തയാറാക്കിയത്.
ഹിമാചൽപ്രദേശ് 2 ദിവസത്തിനുള്ളിൽ ആദ്യ ഡോസ് കുത്തിവയ്പ് പൂർത്തിയാക്കി ഈ നേട്ടം കൈവരിക്കുന്ന ആദ്യ സംസ്ഥാനമാകും. ഗോവയ്ക്ക് 15 ദിവസം കൊണ്ട് ലക്ഷ്യം നേടാം. കേരളത്തിനൊപ്പം ഉത്തരാഖണ്ഡ് (25 ദിവസം), ആൻഡമാൻ നിക്കോബാർ ദ്വീപുകൾ (27), മധ്യപ്രദേശ് (30) എന്നിവയും അതിവേഗ വാക്സീൻ വിതരണപ്പട്ടികയിലുണ്ട്. അയൽ സംസ്ഥാനങ്ങളായ കർണാടക 42 ദിവസത്തിനകവും തമിഴ്നാട് 102 ദിവസത്തിനകവും ലക്ഷ്യം നേടും. നാഗാലാൻഡ് (1275 ദിവസം), മണിപ്പുർ (1036) സംസ്ഥാനങ്ങളാണ് ഏറ്റവും പിന്നിൽ.
English Summary: Kerala to complete stage 1 vaccination within 3 weeks