ആദ്യ ഡോസ് വാക്സിനേഷൻ 80 ശതമാനത്തിലേക്ക്; 14.25 ലക്ഷം ഡോസ് കൂടി എത്തി

തിരുവനന്തപുരം ∙ സംസ്ഥാനത്തിനു 14.25 ലക്ഷം ഡോസ് കോവിഷീൽഡ് വാക്‌സീൻ കൂടി ലഭിച്ചു. തിരുവനന്തപുരത്ത് 3,27,810, എറണാകുളത്ത് 8,38,130, കോഴിക്കോട്ട് 2,59,210 ഡോസ് വീതം വാക്സീനാണ് എത്തിയത്. സംസ്ഥാനത്ത് ആദ്യ ഡോസ് വാക്സിനേഷൻ ഇന്ന് 80 ശതമാനത്തിലെത്തിയേക്കും. 

ജനസംഖ്യയുടെ 79.5% പേർക്ക് (2,28,18,901) ഇതുവരെ ഒന്നാം ഡോസ് വാക്‌സീൻ നൽകി. ഇവരിൽ 31.52% പേർക്കു 2 ഡോസും (90,51,085) നൽകി. ആകെ 3 കോടിയിലേറെ (3,18,69,986) ഡോസ് വാക്‌സീൻ നൽകിയെന്നു മന്ത്രി വീണാ ജോർജ് അറിയിച്ചു. 

English Summary: Covid first dose vaccination nearing 80 percentage