കോവിഡ് മരണക്കണക്ക് പുതുക്കും: മന്ത്രി വീണ
Mail This Article
പത്തനംതിട്ട ∙ കേന്ദ്ര സർക്കാരിന്റെ പുതിയ മാർഗനിർദേശവും സുപ്രീംകോടതി ഉത്തരവും അനുസരിച്ചു സംസ്ഥാനത്തെ കോവിഡ് മരണക്കണക്കു പുതുക്കുമെന്നു മന്ത്രി വീണാ ജോർജ് പറഞ്ഞു. ഒരാൾ കോവിഡ് പോസിറ്റീവായി 30 ദിവസത്തിനുള്ളിൽ മരിച്ചാൽ കോവിഡ് കണക്കിൽ ഉൾപ്പെടുത്തണമെന്നാണു നിലവിലെ മാനദണ്ഡം.
കോവിഡ് ബാധിച്ചവർ ആത്മഹത്യ ചെയ്താലും കണക്കിൽ ഉൾപ്പെടുത്തണമെന്ന സുപ്രീംകോടതി നിർദേശവും ഉൾപ്പെടുത്തി സംസ്ഥാനത്തിന്റെ മാർഗരേഖ പുതുക്കും. മരണം നിശ്ചയിച്ചതു സംബന്ധിച്ചു ബന്ധുക്കൾക്കു പരാതി ഉണ്ടെങ്കിൽ പരിശോധിക്കുമെന്നും മന്ത്രി വ്യക്തമാക്കി. കോവിഡ് മൂന്നാം തരംഗം നേരിടുന്നതിന്റെ ഭാഗമായി എല്ലാ ജില്ലയിലെയും പ്രധാന ആശുപത്രികളിൽ പീഡിയാട്രിക് ഐസിയു ഒരുക്കിയെന്നും മന്ത്രി പറഞ്ഞു.
English Summary: State will update covid death tally as per directions from Supreme Court says Minister Veena George