അച്ചടക്ക നടപടി അംഗീകരിക്കില്ലെന്ന് സുരേന്ദ്രൻ പിളള; എൽജെഡി പിളർപ്പിലേക്ക്

തിരുവനന്തപുരം ∙ ലോക് താന്ത്രിക് ജനതാദൾ (എൽജെഡി) പിളർപ്പിലേക്ക്. തങ്ങൾ‍ക്കെതിരെയുള്ള എം.വി.ശ്രേയാംസ്കുമാറിന്റെ അച്ചടക്ക നടപടി അംഗീകരിക്കില്ലെന്നും യഥാർഥ എൽജെഡി തങ്ങളുടെ നേതൃത്വത്തിൽ ഉള്ളതാണെന്നും വിമത നേതാവ് വി.സുരേന്ദ്രൻ പിളള പറഞ്ഞു. ശ്രേയാംസ് കുമാറിനെതിരെയുള്ള നടപടി അടക്കമുളള കാര്യങ്ങൾ ഇന്നു  നേതൃയോഗം തീരുമാനിക്കുമെന്നും അദ്ദേഹം പറഞ്ഞു. 

താനും ഷേക്ക് പി.ഹാരിസും ദേശീയ നിർവാഹകസമിതി അംഗങ്ങൾ കൂടിയാണ്. തങ്ങൾക്കെതിരെ അച്ചടക്ക നടപടി എടുക്കാനുള്ള അധികാരം ദേശീയ നേതൃത്വത്തിനു മാത്രമാണ്. പാർട്ടി പിളരുകയല്ലേ എന്ന ചോദ്യത്തിന് എങ്ങനെ വേണമെങ്കിലും വ്യാഖ്യാനിക്കാമെന്ന് പിള്ള മറുപടി നൽകി.  

English Summary: V Surendran Pillai says LJD splitted