‘ഐ നീഡ് ജസ്റ്റിസ്’ നീക്കം ചെയ്തു; മോഫിയയുടെ മരണത്തിന് തൊട്ടു മുൻപ്

ആലുവ∙ മോഫിയ പർവീൺ ഭർതൃവീട്ടിലെ പീഡനങ്ങളെ കുറിച്ചു തുറന്നെഴുതിയ ‘ഐ നീഡ് ജസ്റ്റിസ്’ എന്ന ഇൻസ്റ്റഗ്രാം പേജ് മരിക്കുന്നതിനു തൊട്ടു മുൻപു നീക്കം ചെയ്തതായി പൊലീസ് കണ്ടെത്തി. എന്നാൽ, മോഫിയയുടെ കൂട്ടുകാരികൾ ഈ കുറിപ്പുകളുടെ സ്ക്രീൻ ഷോട്ട് സൂക്ഷിച്ചിരുന്നു. അവർ അത് അന്വേഷണ സംഘത്തിനു കൈമാറി.

5 വർഷമായി ഇൻസ്റ്റഗ്രാമിൽ സജീവമായിരുന്നു മോഫിയ. ഒരു മാസം മുൻപാണു ഭർതൃവീട്ടിലെ പീഡനങ്ങളെക്കുറിച്ചു പറയാൻ മാത്രമായി പുതിയ ഇൻസ്റ്റഗ്രാം അക്കൗണ്ട് തുടങ്ങിയത്.

English Summary: Mofiya Parveen instagram page removed