15 ാം വയസ്സിലെ കുത്തിവയ്പിന് എത്തി; കിട്ടിയത് കോവിഷീൽഡ് !
Mail This Article
ആര്യനാട് (തിരുവനന്തപുരം) ∙ 15 വയസ്സിൽ എടുക്കേണ്ട പ്രതിരോധ കുത്തിവയ്പിനായി എത്തിയ 2 വിദ്യാർഥിനികൾക്ക് ആശുപത്രി അധികൃതർ നൽകിയത് കോവിഡ് വാക്സീൻ. തെറ്റായി കോവിഷീൽഡ് വാക്സീൻ കുത്തിവച്ചതിനെത്തുടർന്ന് ഇവർ ഉഴമലയ്ക്കൽ കുടുംബാരോഗ്യ കേന്ദ്രത്തിൽ ചികിത്സ തേടി.
കുളപ്പട സ്വദേശികളും സുഹൃത്തുക്കളും ആയ 3 വിദ്യാർഥിനികളാണ് ഇന്നലെ രാവിലെ ആശുപത്രിയിൽ എത്തിയത്. 2 വിദ്യാർഥിനികൾ 15 വയസ്സിലെ കുത്തിവയ്പ് എടുക്കുന്നതിനായി ഒപി ടിക്കറ്റ് എടുത്തു. ഇരുവർക്കും പക്ഷേ നൽകിയത് കോവിഷീൽഡ് വാക്സീനായിരുന്നു. നിലവിൽ 18 വയസ്സിന് മുകളിലുള്ളവർക്കാണ് കോവിഡ് വാക്സീൻ നൽകുന്നത്. വിദ്യാർഥിനികൾ കോവിഡ് വാക്സിനേഷൻ നടക്കുന്ന സ്ഥലത്ത് അറിയാതെ എത്തുകയായിരുന്നു എന്ന് ആര്യനാട് ആശുപത്രി മെഡിക്കൽ ഓഫിസർ പറഞ്ഞു.
Content highlights: Students vaccinated, covishield, Thiruvananthapuram