ജീവനക്കാരെ വീണ്ടും ഖാദി ഉടുപ്പിക്കാൻ സർക്കാർ; ബുധനാഴ്ചകളിൽ ധരിക്കണമെന്ന് ഉത്തരവ്
Mail This Article
തിരുവനന്തപുരം ∙ ഉടുപ്പിക്കാൻ ശ്രമിക്കുന്തോറും ജീവനക്കാർ ഒഴിഞ്ഞുമാറുന്ന, 14 വർഷമായിട്ടും നടപ്പാകാത്ത ഉത്തരവു സർക്കാർ ഇന്നലെ വീണ്ടും ഇറക്കി: ബുധനാഴ്ച തോറും സർക്കാർ, അർധ സർക്കാർ, പൊതുമേഖലാ സ്ഥാപന ജീവനക്കാരും അധ്യാപകരും ഖാദിയോ കൈത്തറിയോ ധരിക്കണം. കോവിഡ് കാലത്തു കൈത്തറി– ഖാദി മേഖലകൾ പ്രതിസന്ധിയിലായതിനാൽ സർക്കാർ, അർധ സർക്കാർ, പൊതുമേഖലാ സ്ഥാപനങ്ങളിലേക്ക് ആവശ്യമായ ഖാദി/ കൈത്തറി ഉൽപന്നങ്ങൾ ഉടൻ വാങ്ങണമെന്നും പൊതുഭരണവകുപ്പിന്റെ ഉത്തരവിൽ പറയുന്നു.
വിഎസ് സർക്കാരിന്റെ കാലത്ത് വ്യവസായ മന്ത്രി എളമരം കരീം പ്രഖ്യാപിച്ച തീരുമാനമാണ് ഇതുവരെ നടക്കാതെ പോയത്. എളമരം കരീമിന്റെ കാലത്തു ശനിയാഴ്ചയാണു ഖാദിയോ കൈത്തറിയോ നിർബന്ധമാണെന്ന് അറിയിച്ചിരുന്നത്. ഉമ്മൻ ചാണ്ടി സർക്കാരിന്റെ കാലത്ത് 2012 ൽ, അധ്യാപകരെ കൂടി ഉൾപ്പെടുത്താൻ ദിവസം ബുധനാഴ്ചയാക്കി ഉത്തരവ് വീണ്ടും ഇറക്കി.
English Summary: Kerala Government employees urged to wear Khadi, handloom clothes on Wednesdays