48 പേർക്കുകൂടി ഒമിക്രോൺ; സംസ്ഥാനത്ത് ഒമിക്രോൺ 500 കടന്നു

തിരുവനന്തപുരം ∙ സംസ്ഥാനത്തു 48 പേർക്കുകൂടി ഒമിക്രോൺ സ്ഥിരീകരിച്ചു. ഇതോടെ സംസ്ഥാനത്താകെ ഒമിക്രോൺ ബാധിതർ 528 ആയി. കോഴിക്കോട് 12, എറണാകുളം 9, തൃശൂർ 7, തിരുവനന്തപുരം 6, കോട്ടയം 4, മലപ്പുറം 2, കൊല്ലം, ഇടുക്കി, ആലപ്പുഴ, പാലക്കാട്, വയനാട്– 1 വീതം എന്നിങ്ങനെയാണു പുതിയ കേസുകളുടെ എണ്ണം. ഇതിനു പുറമേ യുഎഇയിൽനിന്നെത്തിയ 3 തമിഴ്നാട് സ്വദേശികൾക്കും സ്ഥിരീകരിച്ചു.

33 പേർ ലോ റിസ്‌ക് രാജ്യങ്ങളിൽനിന്നും 2 പേർ ഹൈ റിസ്‌ക് രാജ്യങ്ങളിൽനിന്നും വന്നതാണ്. തൃശൂരിൽനിന്നുള്ള 3 പേരും കൊല്ലത്തുനിന്നുള്ള ഒരാളും മറ്റു സംസ്ഥാനങ്ങളിൽനിന്നു വന്നവരാണ്. കോഴിക്കാട്ടുള്ള 8 പേർക്കും കോട്ടയത്ത് ഒരാൾക്കും സമ്പർക്കത്തിലൂടെയാണ് ഒമിക്രോൺ ബാധിച്ചത്.

English Summary: Omicron cases in kerala update