പുന്നോൽ ഹരിദാസൻ വധം: 6 പ്രതികൾ പിടിയിൽ
Mail This Article
ന്യൂമാഹി ∙ പുന്നോലിലെ സിപിഎം പ്രവർത്തകൻ കെ.ഹരിദാസനെ വെട്ടിക്കൊലപ്പെടുത്തിയ കേസിൽ കൊലയാളി സംഘത്തിലെ 2 പേർ അടക്കം 6 പ്രതികളെ പൊലീസ് പിടികൂടി. കൊലയാളി സംഘത്തിൽ ഉണ്ടായിരുന്ന ബിജെപി – ആർഎസ്എസ് പ്രവർത്തകരും പുന്നോൽ സ്വദേശികളുമായ പ്രഷീത് എന്ന പ്രജൂട്ടി, കൊച്ചറ ദിനേശൻ എന്നിവരെയും ഗൂഢാലോചന കുറ്റം ചുമത്തി പുന്നോൽ കിഴക്കയിൽ വീട്ടിൽ സി.കെ.അർജുൻ (23), ചാലിക്കണ്ടി വീട്ടിൽ സി.കെ.അശ്വന്ത് (23), ചാലിക്കണ്ടി ദീപക് സദാനന്ദൻ (29), തലശ്ശേരി ടെംപിൾഗേറ്റ് ‘സോപാന’ത്തിൽ കെ.അഭിമന്യു (22) എന്നിവരെയും ആണ് പ്രത്യേക അന്വേഷണ സംഘം അറസ്റ്റ് ചെയ്തത്. പുന്നോൽ സ്വദേശി മൾട്ടി പ്രജി എന്ന പ്രജിത്തും ന്യൂമാഹി ഈച്ചി സ്വദേശിയായ ഒരാളും കസ്റ്റഡിയിൽ ഉണ്ട്. നേരത്തെ അറസ്റ്റിലായ കെ.ലിജേഷ്, കെ.വി.വിമിൻ, അമൽ മനോഹരൻ, സുമേഷ് എന്ന മണി എന്നിവരെ പൊലീസ് കസ്റ്റഡിയിൽ ചോദ്യം ചെയ്തു വരികയാണ്.
Content Highlight: Haridas murder case