നെടുമ്പാശേരി ∙ ഡൽഹി മുഖ്യമന്ത്രിയും ആം ആദ്മി പാർട്ടി ദേശീയ കൺവീനറുമായ അരവിന്ദ് കേജ്‌രിവാൾ 2 ദിവസത്തെ സന്ദർശനത്തിനായി കൊച്ചിയിലെത്തി. ഇന്നലെ രാത്രി 7.10ന് നെടുമ്പാശേരി വിമാനത്താവളത്തിൽ എത്തിയ അദ്ദേഹത്തെ എഎപി സംസ്ഥാന കൺവീനർ പി.സി.സിറിയക്, സെക്രട്ടറി പത്മനാഭൻ ഭാസ്കരൻ, ദേശീയ സെക്രട്ടറി എൻ.രാജ, ട്വന്റി 20 ചീഫ് കോഓർഡിനേറ്റർ സാബു എം.ജേക്കബ് തുടങ്ങിയവരുടെ നേതൃത്വത്തിൽ സ്വീകരിച്ചു.
താജ് മലബാർ ഹോട്ടലിൽ താമസിച്ച അദ്ദേഹം ഇന്നു രാവിലെ എഎപി നേതാക്കളുമായി കൂടിക്കാഴ്ച നടത്തും. വൈകിട്ട് 4ന് കിഴക്കമ്പലത്തെ ട്വന്റി 20 മാർക്കറ്റ് സന്ദർശിക്കും. തുടർന്ന് കിറ്റെക്സ് ഗാർമെന്റ്സ് ഗ്രൗണ്ടിൽ നടക്കുന്ന ട്വന്റി 20 ജനസംഗമം പരിപാടിയിലും പങ്കെടുക്കും. രാത്രി നെടുമ്പാശേരിയിൽ നിന്ന് ഡൽഹിക്ക് മടങ്ങും.
English Summary : AAP leader Arvind Kejriwal reaches Kerala
